Қазақстан Республикасының Конституциясы
Конституция 1995 жылғы 30 тамызда республикалық референдумда қабылданды

29-бап
1. Қазақстан Республикасы азаматтарының денсаулығын қорғауға құқығы бар.
2. Республика азаматтары заңда белгіленген медициналық көмектің кепілдік берілген көлемін тегін алуға құқылы.
3. Мемлекеттік және жеке емдеу мекемелерінде, сондай-ақ жеке медициналық практикамен айналысатын адамдардан ақылы медициналық көмек алу заңда белгіленген негіздерде және тәртіппен жүргізіледі.

31-бап
2. Шенеуніктердің адамдардың өмірі мен денсаулығына қауіп төндіретін фактілер мен жағдайларды жасыруы заңға сәйкес жауапкершілікке әкеп соғады.

39-бап
1. Адамның және азаматтың құқықтары мен бостандықтары конституциялық құрылысты қорғау, қоғамдық тәртіпті, адамның құқықтары мен бостандықтарын, халықтың денсаулығы мен имандылығын қорғау мақсатында қажет шамада ғана заңдармен шектелуі мүмкін